«Толькі што Яраслаў атрымаў статус уцекача, крыху пазней ён будзе ўжо на волі», — паведаміў Радыё Свабода праўнік Хельсінскай асацыяцыі Арменіі Араік Папік’ян, які прадстаўляе інтарэсы Яраслава Новікава.
Грамадзяніна Беларусі Яраслава Новікава затрымалі 2 лютага ў Арменіі пры перасячэнні мяжы з Грузіяй.
Яраслаў Новікаў планаваў пераехаць з Грузіі ў Балгарыю, але не атрымаў візы. Яму параілі атрымаць неабходную візу на радзіме, але Новікаў туды не паехаў праз рызыку быць арыштаваным. Ён адправіўся падаць дакументы на візу ў суседнюю Арменію.
Суд Армэніі 4 лютага ўзяў Яраслава Новікава пад варту на 40 дзён для далейшай перадачы ўладам Беларусі пасля атрымання адпаведных дакументаў з Мінска.
У часе знаходжання ў ізалятары беларус падаў у міграцыйную службы Арменіі заяву на атрыманне статусу ўцекача і палітычнага прытулку.
яс